Ken Nos Ta
E Clown Doctors ta laga e muchanan ta e donjo un rato den un situacion den cua ta mas cu claro cu nan no ta. Di biaha asina nada ta obligatorio y tur cos por, dependiendo di locual e mucha ta indica. E Clown Doctors ta papia, hari, hunga y baila cu e muchanan. Pero e Clown Doctors tei tambe pa un momento di trankilidad dor di leza p’e mucha, of solamente tene e mucha su man. E Clown Doctors ta personalidadnan cu ta haya nan mes den situacionan imposibel y loco dor di e manera simpel con nan ta wak mundo. E idea ta pa e muchanan riba e kamber haya e gevoel cu nan ta mas pret y tambe mas sabi cu e payasonan. Ta nan ta e baas; nan por dicidi kiko ta bay pasa. No ta importante cu e payasonan ta hopi pret, basta e mucha briya. Esaki ta rekeri cu na tur momento e Clown Doctors mester por adapta y anticipa riba situacionan y desaroyonan inespera. Esta improvisacion riba un nivel halto. Pasobra ora cu e payasonan bin di bishita muchu mas cos ta hunga un rol cu solamente bisti un nanishi cora y hasi pret. Danki na e talento pa por improvisa di e payasonan, nan por gana curazon di casi tur mucha. Nan ta tene cuenta cu e interes y situacion personal di cada paciente. Cu un maleta yen di artefacto pa traha “bubbles”, popchinan di bisti na man, instrumentonan musical y sombrenan stranjo nan ta trese alegria riba e departamento di mucha na hospital. Den e caso aki humor ta e remedi mas importante.
E Clown Doctors ta laga solo briya den un situacion cu hopi biaha ta angustioso p’e muchanan y nan famia. Nan ta hasi e pacient chikitonan e centro di atencion y alegria. Sin embargo, e deseonan di e muchanan y nan mayornan semper ta bin na prome luga. Si un mucha tin miedo, of e no ta den beis pa haya bishita di un payaso, esaki claro ta wordu respeta. Tambe por ta asina cu e payaso ta djies bin sinta un rato den silencio serka e mucha malo pa laga e mucha sa cu e payaso ta bin p’e tambe.
Di e manera aki e Clown Doctors ta duna un dosis di alegria na e midi cu e mucha malo ta rekeri.
